УГД Штип ќе ослободи 210 студенти од плаќање школарина за прва година, прием и во Струмица и Гевгелија

 

Универзитетот „Гоце Делчев“ – Штип каде тече првиот уписен рок за новата академска година кој трае до 1 септември како што најави  проректорот за настава проф. Д-р Мишко Џидров, годинава има предвидено 210 стипендии за бесплатна школарина во прва година. На овој Универзитет има 3831 слободни место за студиските програми на еден од 12 те факултети и 3 те Академии а по онлајн пријавувањето, идните бруцоши документите за прием може да ги достават во Штип, Струмица, Кавадарци, Скопје и Гевгелија.

,, 210 кандидати што ќе се пријават на нашиот Универзитет ќе бидат ослободени од партиципација за прва година. Кандидатите ќе бидат рангирани според успех. 30 места се предвидени за Факултетот за медицински науки, по 20 на Земјоделски, Економски, Правен, Факултет за природни и технички науки, Туризам и бизнис логистика и Факултетот за информатика. По 10 стипендии за прворангираните на Електротехнички, Машински, Технолошко-технички, Факултет за образовни науки и Музичка академија, по 5 стипендии за Филмска и Ликовна Академија.Дополнително имаме и 66 ослободувања од  партиципација на Филолошки факултет,, објасни проректорот Џидров.

Секоја година дополнително УГД ги ослободува од партиципација за прва година кандидатите од ромската заедница и спортистите кои се дел од спортските екипи на УГД.

Студиски програми во прва година на УГД Штип ќе има и во Струмица и Гевгелија и тоа на повеќе факултети. На кои факултети може да се запишат завршните матуранти на дисперзираните студиски програми во Струмица и Гевгелија може да се виде ТУКА.

Извор-https://drnka.mk/